مواقع بيع + لوحة تحكم · الجزائر
بيع أونلاين، وشوف كل دينار
نبنو لك موقع بيع يخدم بالعربية وبالفرنسية، الدفع عند الاستلام، التوصيل لـ 58 ولاية. ومعاه لوحة تحكم تقول لك شكون شرى، شحال ربحت، وعلاش الطرد رجع.
- الدفع عند الاستلام
- 58 ولاية بأسعارها
- عربية وفرنسية
- بلا اشتراك شهري للمنصة
المشكل ماشي في البيع، المشكل في اللي ما تشوفوش
تبيع في الأنستغرام، تجمع الطلبات في الرسائل، وتحسب في راسك. وفي آخر الشهر ما تعرفش: شحال ربحت بالصح؟ واش من ولاية تخلّصك وواش من ولاية تكلفك؟ شحال من واحد حبس في نص الطلب وما كملش؟ الإشهار جاب لك بيوعات ولا غير تعليقات؟
الحساب في الورقة
سعر الشراء، الإشهار، الطرود اللي رجعت… كي تحسبهم بالصح، الربح ماشي هو اللي كنت تحسب.
الطرد اللي يرجع
الطرد اللي يرجع يخلص الذهاب والرجعة. في الدفع عند الاستلام، هذا هو أول باب تهرب منو الأرباح.
الإشهار بلا قياس
كي ما تعرفش شحال تكلف الطلبية الواحدة، تزيد في الميزانية وتخسر أكثر بلا ما تحس.
شوف بعينيك
ماشي تصاور — افتح وحرّك بيديك
هذا هو نفس الشي اللي تاخذو. حرّك، بدّل، صفّي، اطلب طلبية كاملة: ما كاينش حتى شي وهمي. ما يتسجّل حتى طلب، وكي تعاود تحمّل الصفحة ترجع كيما كانت.
لوحة التحكم
سبعة أقسام: الطلبيات، الكليان، المالية، الزوار، الإعدادات، الربط، والكليان النموذجي. تحت، 90 يوم من الطلبيات باش تشوف كيفاش يخدم وهو معمور.
افتح لوحة التحكمصفحة البيع
صفحة منتوج كاملة بالعربية وبالفرنسية، فيها استمارة الطلب، حساب التوصيل حسب الولاية والبلدية، وصفحة الشكر. كمّل طلبية للآخر باش تشوف الطريق كامل.
افتح صفحة البيعواش تاخذ بالضبط
ماشي قالب تعمّرو وحدك. موقع مركّب، مربوط، وعلى الخط.
صفحة بيع بلغتين
عربية (من اليمين للّيسار) وفرنسية في نفس الصفحة. الزائر يلقى لغتو من غير ما يبدّل حتى حاجة.
58 ولاية بأسعار التوصيل
الولايات والبلديات وأسعار التوصيل للدار وللمكتب، محسوبين في الاستمارة قبل ما يأكد.
الدفع عند الاستلام
بلا بطاقة، بلا حساب، بلا تسجيل. الاسم، الهاتف، الولاية، والبلدية — وهذاك هو.
لوحة التحكم كاملة
الطلبيات، الكليان، المالية، الزوار، والكليان النموذجي. تخدم من الهاتف.
السلّات المتروكة
كل واحد كتب هاتفو وما كملش يتسجّل. تعاود تكلّمو في الواتساب بضغطة.
ملف CSV للناقل
الطلبيات تخرج في ملف يقراه الناقل. بلا ما تعاود تكتبهم واحد واحد.
Pixel فيسبوك + CAPI
الحدث يتبعث مرتين، من المتصفح ومن السيرفر، وميتا تعرف أنّهم واحد. البيوعات ترجع للإشهار بالصح.
الدومين و HTTPS
نربطو لك دومينك ونخدمو الشهادة. القفل يبان في المتصفح.
تكوين قصير
نوريو لك كيفاش تبدّل السعر، الصور، والحالة ديال الطلبية. بلا كود.
كيفاش نخدمو
- تحكي لنا على منتوجك، السعر، والصور اللي عندك. مكالمة ولا رسائل واتساب، كيما يعجبك.
- نكتبو النص بالعربية وبالفرنسية، ونركّبو الصفحة بلونك وبصورك.
- تشوف الموقع على رابط خاص، قبل ما يولّي معروف. تقول لنا واش تبدّل.
- نديرو الموقع على الخط، نربطو الدومين، ونعطيوك مفاتيح لوحة التحكم. ومن بعد، الموقع موقعك.
عرضين، وخلاص مرة واحدة
بلا اشتراك شهري للمنصة. اضغط على « شوف الموديل » قبل ما تقرر — نفس الشي اللي تشوفو هو اللي تاخذو.
لاندينغ بايج
منتوج واحد، وتبدأ تبيع
5 900DA
- صفحة بيع بلغتين
- استمارة الطلب + الدفع عند الاستلام
- 58 ولاية بأسعار التوصيل
- صفحة الشكر
- الاستضافة و HTTPS داخلين
- Pixel فيسبوك واجد للربط
- الدومين ماشي داخل — نقولو لك سعرو قبل
الموقع الكامل
نفس الصفحة، وزيد لوحة التحكم
9 900DA
- كل ما في اللاندينغ بايج
- نوم دو دومان مقدّم — عام كامل
- لوحة التحكم كاملة
- السلّات المتروكة
- ملف CSV للناقل
- Pixel فيسبوك + CAPI
- ترقية للنسخ الجديدة
الأسعار بالدينار الجزائري، خلاص مرة واحدة. الموقع والملفات يولّيو ملكك من بعد.
النسخة 1.1
الموقع عندو رقم نسخة — وهذا ماشي بلا معنى
كل المواقع اللي نديرو منبنية على نفس القاعدة، وهي عندها رقم. كي تزيد فيها حاجة جديدة، الرقم يتقدّم، والعرض اللي تشوفو هنا يولّي هو النسخة الجديدة. والكليان القدامى ما يقعدوش برّا: موقعهم يتقدّم معاها.
قسم « الكليان النموذجي »
يقول لك شكون يشري بالصح: الولايات، الساعات، الأجهزة، وقدرة الشراء. ومن بعد يكتب لك الإشهار اللي لازم: الميزانية، الفورما، الأوقات، والولايات اللي تجنّبها.
المالية بخمس مراحل
« تلغى في التيليفون » و« الطرد اللي رجع » ما بقاوش في كيس واحد. ما يكلفوش كيف كيف، وما يتصلحوش في نفس البلاصة.
كليان قديم؟
قول لنا، ونشوفو معاك ترقية موقعك للنسخة الأخيرة.
أسئلة تتكرر
شحال ياخذ الوقت؟
نقولو لك المدة بالضبط كي نعرفو منتوجك وواش راه واجد عندك من صور ونصوص. المدة تتكتب في العرض، ما نقولوهاش قبل باش نبانو سراع.
ما نعرفش نخدم بالكود، نقدر نسيّر الموقع؟
نعم. السعر، الصور، الستوك، وحالة الطلبية كامل يتبدّلو من لوحة التحكم، بلا ما تحبس الموقع وبلا كود. الحاجة الوحيدة اللي تحتاج فيها راجل تقني هي تبديل تركيبة الصفحة.
الموقع ملكي ولا مكرّي؟
ملكك. الملفات كامل تتسلمها، والدومين يتسجّل على اسمك. حتى كي تروح تخدم مع واحد آخر، الموقع يبقى يخدم.
علاش ماشي Shopify؟
Shopify يتخلّص بالدولار كل شهر، والدفع عند الاستلام مع 58 ولاية يحتاج تركيب. هنا الموقع صفحات عادية، سريعة، بلا اشتراك منصة — وعندك لوحة تحكم مخدومة للجزائر.
واش على المعطيات ديال الكليان؟
يقعدو في قاعدة معطيات ملكك. الصفحة عندها الحق كي تزيد طلبية برك — ما تقدرش تقرا لا الطلبيات لا الهواتف. لوحة التحكم وحدها تقرا، وبمفتاح.
كاين واحد يقدر يجرّب قبل ما يخلّص؟
هذا علاش العرض التجريبي موجود في هذي الصفحة. هو نفس الكود، بمعطيات وهمية. حرّك فيه كيما تحب.
اطلب موقعك
عمّر الاستمارة، ونعيّطو لك. ولا اكتب لنا في الواتساب دغيا.